La Rexenta, cumal de la narrativa europea del sieglu XIX, tien como argumentu central l’adulteriu nuna pequeña ciudá provinciana, Vetusta. Ana Ozores, la protagonista, ye una moza guapa, soñadora y aburrida, casada con Víctor Quintanar, ex rexente, bonaz y vieyu. A Ana preténdenla dos figures centrales de Vetusta: Álvaro Mesía, el mediocre don Xuan local, y Fermín de Pas, el Maxistral de la catedral, un ambiciosu y complexu personaxe. La novela tien nel retratu coral de Vetusta y na descripción moral de la ciudá los elementos que la fain la pieza maestra de la narrativa realista.
Leopoldo García-Alas, que firmaba na prensa col alcuñu «Clarín» (Zamora, 1852 – Uviéu, 1901), foi catedráticu universitariu, críticu y narrador, introductor del Naturalismu n’España. Amás de La Regenta (publicada en dos tomos en 1884 y 1885), escribió otres obres de sonadía como la novela Su único hijo, Doña Berta o el llibru de relatos Pipá.
Víctor Suárez, l’autor de la traducción de La Rexenta al asturianu, que se fai dende l’almiración a la novela y n’homenaxe al so autor, ye maestru d’asturianu, escritor en revistes como Formientu y Lliteratura y, dende 2006, traductor en proyectos de conocimientu y software llibre como la Wikipedia.
30.00€
Agotado
