Hestories de Burgundu
On septiembre 30, 2018 | 0 Comments
  • img-book

    Gonzalo G. Barreñada

Hestories de Burgundu

Gonzalo G. Barreñada

Un branu d’orbayu eternu na vida de dos amigos, la rutina d’una misteriosa lladrona de llibros, l’aparición nel pueblu d’una americana capaz a too, la muerte d’una moza en plenes fiestes, les consecuencies imprevistes de la llegada d’un circu, el cumpleaños d’un guerrilleru, un profesor de Xeografía que ve lo que los demás nun son a ver, una casa a les afueres onde hasta la realidá parez pantasmal, el regresu al llar d’un home con un raru don físicu…, estos son dalgunos de los encontos de los que se val l’autor pa llevantar un coru de voces tan sorprendente como posible, tan atrayente pal llector como desasosegante.

L’universu míticu de Burgundu, propiciu pa la lliteratura, diose a conocer cola novela La casa de Xuan Buelga (publicada en 2018). Agora amplíase nestos venti relatos nos que tien cabida dende’l realismu máxicu al simbolismu, dende’l costumismu a la fantasía. Gonzalo G. Barreñada, nacíu en Sotrondio en 1973, ye llicenciáu en Xeografía y Hestoria y ta especializáu n’Hestoria del Arte. En 2016 publicó’l so primer poemariu, Biografíes. Ye colaborador habitual de la revista Campo de los Patos.

18.00

Cantidad:
Conoce al autor
avatar-author
Gonzalo G. Barreñada
Gonzalo G. Barreñada (Sotrondio, 1973), llicenciáu en Xeografía y Historia, ta especializáu n’Historia del Arte. Admirador de Henry James, de va años vien escribiendo una serie d’histories que pasen en Burgundu, el so territoriu de ficción. Na revista Campo de los Patos 5-6 (2015) adelantó dos d’esos relatos.
Libros de Gonzalo G. Barreñada
Sobre este libro

Leave a reply