• img-book

    Gonzalo G. Barreñada

Categorías: , ,

Biografíes

Gonzalo G. Barreñada

Gonzalo G. Barreñada considérase esencialmente un narrador, pero pasín a pasu va faciendo que miedre la so creación poética, de raigañu simbolista: el poema como cifra redonda, como música intensa de perfectu sentíu cola qu’encarnar la vida y detener el tiempu. Espresada con un llinguaxe frescu, a vegaes prosaicu, personaliza los sos versos con un ritmu particular que los fai claramente reconocibles. Hai nesti llibru, el primeru que publica, una continuada reflesión sobre la perda. La suya ye una poesía fuertemente intelectualizada, a la que-y gusta observar la realidá, analizar lo que ve y reescribir la tradición d’una manera abierta, acarretando pal poema materiales mui diversos: l’irracionalismu de raigañu vanguardista, la cotidianidá figurativa, pluralidá de voces… Con too ello Barreñada construye un llibru intensu y consciente, novedosu nel nuesu panorama lliterariu, bien orixinal y compactu.

Gonzalo G. Barreñada (Sotrondio, 1973), llicenciáu en Xeografía y Historia, ta especializáu n’Historia del Arte. Admirador de Henry James, de va años vien escribiendo una serie d’histories que pasen en Burgundu, el so territoriu de ficción. Na revista Campo de los Patos 5-6 (2015) adelantó dos d’esos relatos.

15.00€

Cantidad:
Conoce al autor
avatar-author
Gonzalo G. Barreñada
Gonzalo G. Barreñada (Sotrondio, 1973), llicenciáu en Xeografía y Historia, ta especializáu n’Historia del Arte. Admirador de Henry James, de va años vien escribiendo una serie d’histories que pasen en Burgundu, el so territoriu de ficción. Na revista Campo de los Patos 5-6 (2015) adelantó dos d’esos relatos.
Libros de Gonzalo G. Barreñada
Sobre este libro

“Biografíes”

No hay opiniones